Ar Redadeg é unha carreira a prol da lingua bretoa que parte desde o cabo de Beg ar Raz (Pointe du Raz) no Fisterra bretón o día 17 de maio.

Atravesa a Bretaña toda sen parar, nin de día nin de noite, percorrendo un total de 2.222 quilómetros.

Este ano, como novidade, o evento reviste tamén un cariz internacional.

A Asociación Breizh Galiza vai mercar un quilómetro que se desenvolverá na Alameda compostelá a partir das 11:00 da mañá e editaranse unhas camisolas que estarán á venda ese día.

O prezo do quilómetro é de 150,00 € para as asociacións e o diñeiro recadado, que ascenderá a un millón de euros, será entregado ás escolas Diwan e a diversos proxectos comprometidos coa promoción da lingua bretoa.

Trátase dunha carreira festiva de remudas que leva á cabeza un testemuño que se vai pasando de man en man entre xs principais participantes. O testemuño leva unha mensaxe no seu interior á cal dará lectura o músico Alan Stivell ao remate da carreira que terá lugar na vila de Montroulez (Morlaix).

“Unha viaxe diversa e enriquecedora coa que dar a coñecer as letras francófonas”. Así describen as investigadoras Blanca Miranda, Virginia Ripoll e Carla Figueiras a mostra Voyage à Travers les livres, unha exposición de libros francófonos que pode visitarse na Facultade de Filoloxía e Tradución desde esta semana ata o vindeiro 12 de abril, “unha oportunidade excepcional para explorar a riqueza literaria da lingua francesa e descubrir novos horizontes a través da palabra escrita”.

 Organizada coa colaboración  do alumnado dos graos en Linguas Estranxeiras e Tradución e Interpretación, a mostra ofrécelle ao público a oportunidade de mergullarse no amplo abano das literaturas francófonas, cunha coidada selección de medio cento de libros. “A exposición busca pór en valor a creatividade e as expresións singulares e diversas da lingua francesa”, explican as coordinadoras no texto de presentación da mostra, onde tamén fan fincapé en que “abarca diferentes xéneros e estilos de obras contemporáneas”.
 Esta iniciativa enmárcase en dous eventos significativos: o quart d'heure de lecture national (cuarto de hora de lectura nacional), que promove a idea de dedicar ese anaco de tempo diario á lectura, e a Semaine de la langue française et de la Francophonie, iniciativa que botou a andar en 1995 por impulso do ministère de la Culture e que se organiza cada ano arredor do 20 de marzo, Día Internacional da Francofonía. “É un momento especial para as múltiples culturas e identidades que celebra a diversidade e vitalidade das comunidades francófonas”, explican as coordinadoras.

                                                                               Universidad de Vigo               https://www.uvigo.gal/